ABULI EXPEDITION 2026

4-5 ივლისი | ჯავახეთის მაღალმთიანეთი

ორი დღე. 350 კილომეტრი. ერთი დაუვიწყარი თავგადასავალი.

ეს არის მოგზაურობა ადამიანებისთვის, რომლებსაც უყვართ თავგადასავალი, ბუნება, უგზოობა და ახალი ადგილების აღმოჩენა.

4-5 ივლისს ლისის ტბიდან სტარტს აიღებს მრავალფეროვანი ექსპედიცია, რომელიც გაივლის კლდეკარის უღელტეხილს, ტაბაწყურის ტბას, აბულის ციხეს, ჯავახეთის ვულკანურ ზეგანს, მაღალმთიან სოფლებსა და საქართველოს ერთ-ერთ ყველაზე შთამბეჭდავ პანორამულ მარშრუტს.

რას უნდა ელოდოთ?

✔ 350 კმ სიგრძის შერეულ მარშრუტს

✔ მთის გზებს, ქვიან მონაკვეთებს, გრუნტს და ულამაზეს ხედებს

✔ ჯავახეთის ვულკანურ ლანდშაფტებს

✔ ტაბაწყურის ტბასთან მოწყობილ ბანაკს

✔ მეგობრულ და არაფორმალურ გარემოს

✔ პროფესიონალურად ორგანიზებულ ღონისძიებას

✔ პროფესიონალურ ფოტო და ვიდეო გადაღებას

✔ ახალი მეგობრებისა და თანამოაზრეების გაცნობას

✔ დასკვნით წვეულებას ორბეთში

საფასური განსაზღვრულია ერთ პერსონაზე და მოიცავს:

✓ ექსპედიციის მომზადებას და ორგანიზებას

✓ ორგანიზატორებისა და მარშალების მხარდაჭერას

✓ სამედიცინო დახმარებას ექსპედიციის განმავლობაში

✓ ტექნიკის ამოყვანას და დახმარებას ჩარჩენის შემთხვევაში

✓ საბაზისო ტექნიკურ დახმარებას

✓ ორგანიზებულ ბანაკს ტაბაწყურის ტბასთან

✓ საპირფარეშოებს ბანაკში

✓ ვახშამს პირველ დღეს

✓ საუზმეს მეორე დღეს

✓ ფოტო და ვიდეო გაშუქებას

✓ დასკვნით ღონისძიებასა და წვეულებას ორბეთში

რა ტექნიკით შეიძლება მონაწილეობის მიღება?

• ბაგებით SSV

• Adventure და Dual Sport მოტოციკლები

რა უნდა წამოიღოთ?

• გამართული ტექნიკა

• მოქმედი მართვის მოწმობა

• უსაფრთხოების ინდივიდუალური აღჭურვილობა

• საბანაკე აღჭურვილობა (კარავი, საძილე ტომარა, პარალონი)

• სეზონის შესაბამისი ტანსაცმელი

• საწვავის მარაგი მინიმუმ 200 კმ-ისთვის

მნიშვნელოვანი ინფორმაცია

ღამისთევა დაგეგმილია ტაბაწყურის ტბასთან, ორგანიზებულ ბანაკში, ღია ცის ქვეშ. ადგილზე უზრუნველყოფილი იქნება საპირფარეშოები და საბაზისო ინფრასტრუქტურა.

Abuli Expedition შექმნილია იმისთვის, რომ ორი დღის განმავლობაში დატოვო ყოველდღიურობა, შეხვდე საინტერესო ადამიანებს, გაიარო საქართველოს საუკეთესო ოფროუდ მარშრუტები და შექმნა მოგონებები, რომლებიც კიდევ დიდხანს გაგყვება.

საქველმოქმედო მისია

Abuli Expedition მხოლოდ თავგადასავალი არ არის.

ექსპედიციის ფარგლებში განხორციელდება საქველმოქმედო მისია, რომლის მიზანია ჯავახეთისა და მარშრუტზე მდებარე მაღალმთიანი სოფლების ბავშვებისა და ოჯახების მხარდაჭერა.

პარტნიორებისა და მონაწილეების დახმარებით შევაგროვებთ სხვადასხვა საჭირო ნივთებს, ტკბილეულს, სასკოლო ინვენტარსა და სხვა საჩუქრებს, რომლებსაც ექსპედიციის მსვლელობისას ადგილობრივ მოსახლეობას გადავცემთ.

გვჯერა, რომ ნამდვილი თავგადასავალი მხოლოდ ახალი ადგილების აღმოჩენა არ არის — ის ასევე ნიშნავს პოზიტიური კვალის დატოვებას იმ რეგიონებში, სადაც ვმოგზაურობთ.

Abuli Expedition-ის თითოეული მონაწილე ამ კეთილი საქმის ნაწილი გახდება.

ადგილების რაოდენობა შეზღუდულია.

დარეგისტრირდი დღეს და გახდი Abuli Expedition 2026-ის მონაწილე.